邀請

下個星期日是福音主日. 幾個星期前我內心已很有感動是時間邀請父母參加. 祈禱後, 昨晚終於致電給他們.

今次是有史以來感到最平安的一個舉動. 沒有掙扎打唔打電話, 亦沒有唔知點開口.
電話接通後, 先來個問安就直接問他們:

我: 下星期日我想邀請您o地返教會...

媽: 返教會做甚麼? 唔好搞我...咁悶!

我: 教會話要邀請屋企人返去...

媽: 唔...(想了一會)

我: 我好有誠意邀請您o地o架...好認真既...

媽: 問下爸爸先...爸爸去我就去啦!......哦! 爸爸拎晒頭啊...

我: 叫他聽啦...

跟著, 爸爸又重複我同媽媽的對答...

我: 爸爸, 好啦...去啦...

爸: 唔...(想了好一陣子)...我約咗朋友...我試下推佢地啦, 如果得的話就同你返啦!

我: 好, 咁過兩天我再打電話給你...

單單這個答覆已是無限感恩! 食檸檬事少, 恐怕他們罵我, 關係破裂就事大!

其實背後還有很多憂慮...究竟他們能否在當天出席? 能適應祟拜嗎? 有甚麼反應呢? 會否只此一次?...這些問題留待神去處理, 我深信祂會負責的!!

請大家為我這件事祈禱! 而且...大家亦要努力啊!!